ღრძილების დაავადების პირველი ნიშნების ცოდნა და გამოვლენა მნიშვნელოვანია, რამდენადაც კბილების დაკარგვის მიზეზთა დიდი წილი სწორედ მასზე მოდის. გადა ამისა, ბოლო წლებში ბევრს წერენ მის კავშირზე ბევრ სიცოცხლისათვის საშიშ დაავადებებთან, მაგალითად გულის დაავადებები.

თითქმის ყველა ჩვენგანს აქვს ან ჰქონია ღრძილების პრობლემა ცხოვრების გარვეულ ეტაპზე, გარკვეული ხარისხით. მისი დროულად გამოვლენა საშუალებას გვაძლევს თავიდან ავიცილოთ უფრო სერიოზული პრობლემები.

10 ფაქტი ღრძილების დაავადების შესახებ:

1. არსებობს 2 ძირიტადი სახის ღრძილების დაავადება: გინგივიტი და პაროდონტის დაავადება.
2. კბილების დაკარგვა პაროდონტის დაავადების გამო ბევრად ხშირია, ვიდრე კარიესის გართულებების გამო.
3. ღრძილების დაავადების პირველი ნიშნანი სეიძება იყოს სისხლდენა კბილების ხეხვის დროს.
4. ყველა სახის ღრძილებლის დაავადების მიზეზია რბილი ნადები, რომელიც დღის განმავლობაში წარმოიქმნება კბილის ზედაპირზე.
5. ღრძილების დაავადება არასოდეს იკურნება, მაგრამ შეიძება მისი სტაბილიზაცია კონტროლის გზით.
6. იგი მიმდინარეობს უმტკივნეულოდ, ამიტომ უმრავლეს შემთხვევაში პაციენტს არ აქვს წარმოდგენა მის მიერ მიყენებულ ზიანზე.
7. კვლევებმა აჩვენა, რომ რეგულარული ფიზიკური ვარჯიში ამცირებს ღრძილების დაავადების განვითარების შანსს.
8. ღრძილების დაავადება კავშირშია გულისა და ფილტვების, გულ-სისხლძარღვთა, ალცჰეიმერის დაავადებებთან, დიაბეტთან, ინსულტთან, ნაადრევ მშობიარობასთან  და ნაყოფის მცირე წონასთან.
9. ფერტილობის და სქესობრივი პრობლემები ასევე ზოგჯერ დაკავშირებულია ღრძილების დაავადებასთან.
10. ჰალითოზის (უსიამოვნო სუნი პირის ღრუდან) მიზეზებიდან პირველ ადგილზეა ღრძილების დაავადება.

5 რჩევა ღრძიელების დაავადების პრევენციისათვის:

1. ყოველთვის უთხარით თქვენს სტომატოლოგს, თუკი რაიმე პრობლემა იჩენს თავს პირის ღრუში.  ეს დაეხმარება მას საწყის ეტაპზევე შენიშნოს ღრძილების დაავადება.
2. გაიწმინდეთ კბილთაშორის სივრცეები ფლოსის ან თუ საჭიროა ინტერდენტალური ჯაგრისების საშუალებით. ეს დაგეხმარებათ მოიშოროთ ნადების საკმაოდ დიდი რაოდენობა, რომელიც კბილთაშორის სივრცეებში რჩება გახეხვის შემდეგ.
3. იკვებეთ ჯანსაღად და მრავალფეროვნად.
4. დაანაბეთ მოწევას თავი. ეს ბევრად შეამცირებს ღრძილების დაავადების მიერ მიყენებულ ზიანს.
5. გამოიყენეთ ნადების საწინააღმდეგო  სავლები გახეხვის შემდეგ.

http://www.wtnperioblog.com/dental-gum-disease/

დაკარგულ მინერალებს მინანქარი უმთავრესად ნერწყვიდან აღიდგენს. გარდა ამისა ნერწყვი ჩამორეხცხავს მისი ზედაპირიდან საკვების ნარჩენებს, რომლის დაშლის შედეგად ბაქტერიების მიერ ასევე მჟავები წარმოიქნება. მათი გავლენით კი ხდება მინანქრის ადგილობრივი დემინერალიზაცია და დროთა განმავლობაში ვითარდება კარიესი. ნერწყვის ბუნებრივი სუსტი ტუტე, თითქმის ნეიტრალური რეაქციის გამო კი მინანქრის ზედაპირზე მოქმედი მჟავების მოქმედების განეიტრალება ხდება.

ანუ  კბილის მინანქრის რემინერალიზაციის ძირითადი მექანიზმი ნერწყვის შემადგენლობაზე და მისი გამოყოფის რეგულაციაზეა დამოკიდებული.

მაგრამ ზოგჯერ ისეც ხდება, რომ ნერწყვის შემადგენლობაში არაა საკმარისი რაოდენობით მინერალები (კალციუმი, ფორფორი), რომ მინანქარის  ბუნებრივი გზით რემინერალიზაცია მოხდეს. მინანქარი სუსტდება და ასეთი პაციენტები მიდრეკილნი არიან მრავლობითი კარიესისკენ.

ზოგჯერ კი ნერწვი არასაკმარისი რაოდენობით გამოიყოფა (ქსეროსტომია) ან მისი კონსისტენცია ზედმეტად ბლანტია. ამის გამო ვერ ხდება საკვების ნარჩენების ბუნებრივი გზით ჩამორეცხვა და ჩნდება მრავლობითი რისკ-ზონები კარიესის განვითარების პერსპექტივით.

საბედნიეროდ, არსებობს პროდუქტი, რომელიც დღესდღეობით საუკეთესო
საშუალებაა მინანქრის რემინერალიზაციისა და “კვებისათვის”. ესაა კრემ-გელი Tooth Mousse ფირმა GC-სგან. მისი მთავარი კომპონენტია Recaldent™.

“რეკალდენტი” წარმოადგენს  კომპლექსს СРР-АСР — კაზეინფოსფოპეპტიდი-ამორფული კალციუმფოსფატი. პირის ღრუში ეს კოპლექსი ადვილად უკავშირდება რბილ ნადებს, ბაქტერიებს, ჰიდროქსიაპატიტს და აწვდის ბიოშეთავსებად კალციუმსა და ფოსფორს იონების სახით.  მას “თხევად მინანქარსაც” უწოდებენ.

ნერწყვი ააქტიურებს СРР-АСР კომპლექსს, მუსის საასიამოვნო გემო კი თავის მხრივ ნერწყვის გამოყოფის სტიმულაციას უწყობს ხელს. მუსი გამოდის რამოდენიმე არომატით.

რაც უფრო დიდხანსაა მუსი პირის ღრუში ნერწყვთან ერთად, მით უფრო ეფექტურია მისი მოქმედება.

შენიშვნა: Recaldent™ მიღებულია ძროხის რძეში შემავალი ცილა კაზეინისგან. ამიტომ მუსის გამოყენება შეზღუდულია რძის ცილაზე ალერგიული პაციენტებისთვის.

სრულყოფილი ინფორმაცია “რეკალდენტზე” — www.recaldent.com

GC Tooth Mousse-ის გამოყენება განსაკუთრებით ეფექტურია:

• მინანქარზე თეთრი ლაქების გასაქრობად, განსაკუთრებით ორთოდონტიული მკურნალობის შემდეგ.
• ხანდაზმულ პაციენტებში ნერწყვის გამოყოფის დარღვევით (მაგ. სხვადასხვა მედიკამენტების ხანგრძლივად მიღებისას).
• ჰიპერმგრძნობელობის შესამცირებლად ისეთი პროცედურების შემდეგ, როგორიცაა გათეთრება, პროფესიონალური წმენდა, კიურეტაჟი.

GC Tooth Mousse-ის გამოყენება შეიძლება როგორც ინდივიდუალური კაპებით, ისე პირდაპირი აპლიკაციის გზით.

მონაწილეთა რაოდენობა: 257

შედეგი:

1. კი, რეგულარულად — 28,02%
2. კი, ზოგჯერ — 22,18%
3. არა — 17,51%
4. ეგ რა არის? — 32,3

რა არის ფლოსი?

ფლოსი ანუ დენტალური ძაფი პირის ღრუს ინდივიდუალური ჰიგიენის აუცილებელ კომპონენტს წარმოადგენს კბილის ჯაგრისთან ერთად და გამოიყენება კბილთაშორისი და ღრძილქვეშა სივრცეების გასაწმენდად, რომელიც მიუწვდომელია კბილის ჯაგრისისთვის. მისი გამოყენება მე-19 საუკუნეში დაიწყეს ამერიკაში დანტისტების რჩევით. თავდაპირველად აბრეშუმის ძაფს იყენებდნენ, შემდეგ კი მასალა შეიცვალა და დაიხვეწა.

რა სახის ფლოსები არსებობს?

ფორმის მიხედვით არსებობს ძაფი (dental floss) და ლენტა (dental tape). ეს უკანასკნელი განსაკუთრებით მოსახერხებელია კბილთა მჭიდრო დგომის დროს.

არსებობს არომატიზირებული (ძირითადად პიტნის) და უარომატო, გასანთლული და გაუსანთლავი, სხვადასხვა სისქის და სიხისტის ფლოსები. ისინი განკუთვნილია სხვადასხვა შემთხვევებისთვის და ინდივიდუალურად უნდა შეირჩეს სტომატოლოგის ან ჰიგიენისტის მიერ.

  “სუპერფლოსი” სხვა ფლოსებისგან განსხვავდება იმით, რომ             აქვს მყარი, ნაკლებად დრეკადი ნაწილი და “ფუმფულა”,          ღრუბლისმაგვარი ნაწილი. მყარი ნაწილის საშუალებით მისი მოთავსება მოსახერხებელია კბილებს შორის მაგალითად ბრეკეტის ტარებისას. ხოლო ღრუბლისებური ნაწილით

კარგად იწმინდება ღრმა ჯიბეები და დიდი სივრცეები კბილებს შორის. დამატებითი ინფორმაცია

“სუპერფლოსთან”, ასევე Oral-B-ს სხვა პროდუქტებთან დაკავშირებით შეგიძლიათ იხილოთ საიტზე: www.oralb.com

ფლოსების უმრავლესობა მოთავსებულია პლასტმასის კოლოფში, რომელსაც გააჩნია მინიატურული დანა ძაფის მოსაკვეთად.

არსებობს განსხვავებული დიზაინის ფლოსებიც, მოსახერხებელი სახელურით.

თუ რომელი სახეობის ფლოსს გამოიყენებთ, უნდა აირჩიოთ თქვენს სტომატოლოგთან ერთად. მთავარია გამოიყენოთ რეგულარულად, ყოველდღე, კბილების გახეხვის შემდეგ, თუნდაც დღეში ერთხელ (ძილის წინ).

როგორ გამოვიყენოთ ფლოსი?

1. ყოველთვის დაიბანეთ ხელი ფლოსის გამოყენების წინ.
2. თუ ფლოსი კოლოფშია მოთავსებული, მოჭერით დაახლოებით 30 სმ სიგრძის.
3. დაიხვიეთ ძაფის ბოლოები ორივე ხელის შუა ან საჩვენებელ თითებზე.
4. ფრთხილად ჩააცურეთ ძაფი კბილებს შორის საღეჭი ზედაპირიდან ღრძილისკენ.
5. წმენდითი მოძრაობით ღრძილისქვეშა არედან საღეჭი ზედაპირისკენ ამოძრავეთ ფლოსი ჯერ ერთი, შემდეგ კი მეორე კბილის კედელზე (2-3ჯერ).
6. ყოველი ახალი უბნის გასაწმენდად გამოიყენეთ ფლოსის ახალი მონაკვეთი.

გახსოვდეთ:

• ფლოსით წმენდისას ძაფი ამოძრავეთ ყოველთვის ერთიდაიგივე ძალით.
• არასოდეს შეეცადოთ ძაფის შეტანას ღძილის სიღრმეში ძალდატანებით.
• თუკი ფლოსის გამოყენების დაწყებიდან 1 კვირის შემდეგაც გაქვთ სისხლდენა ღრძილებიდან, აუცილებლად გაიარეთ კონსულტაცია სტომატოლოგთან ან ჰიგიენისტთან მისი სწორად გამოყენების თაობაზე.
• ყოველდღიური ფლოსინგი მნიშვნელოვნად ამცირებს ნადების და შესაბამისად ქვების წარმოქმნას.
• ფლოსის გამოყენება აუცილებელია ჰალითოზის (უსიამოვნო სუნი პირის ღრუდან) შემთხვევაში, რადგან მისი გამომწვევი ბაქრეტიები სწორედ პათოლოგიურ სახლობენ.
• მაქსიმალური შედეგის მისაღებად ფლოსი გამოიყენეთ მუდმივად, ყოველდღე.

ლაზერული გათეთრება ხასიათდება მთელი რიგი თვისებებით, რაც მას უპირატესობას ანიჭებს ფოტოგათეთრებასთან შედარებით.

პროცედურა იგივენაირად ტარდება, როგორც  ZOOM-ის მეთოდით გათეთრება, იმ განსხვავებით, რომ გელი, რომელიც მინანქრის ზედაპირზე თავსდება შეიცავს სპეციალურ მცენარეულ პიგმენტს. მას გააჩნია ლაზერის გამოსხივების აბსორბირების უნიკალური უნარი, რაც განაპირობებს ატომური ჟანგბადის უფრო ღრმა შეღწევადობას ( გათეთრების ეფექტი 8-12 ტონი) და პროცედურის უფრო ხანმოკლე მიმდინარეობას (დაახლ. 30 წთ).  მიღებული ეფექტი პრაქტიკულად მუდმივია, კბილების სწორი მოვლის შემთხვევაში. რამდენიმე წლის (5-6) შემდეგ მოსალოდნელია მინანქრის რამდენიმე ტონით გამუქება, რაც გარეშე თვალისთვის პრაქტიკულად შეუმჩნეველია, თუმცა პირვანდელი ფერი აღარასოდეს აღდგება.

ლაზერის სხივის მოქმედება იმპულსური და ლოკალურია, რის გამოც გამორიცხულია რბილი ქსოვილების თერმული დაზიანება და დისკომფორტი პროცედურის მიმდინარეობისას.

ლაზერული აპარატის მოქმედების მექანიზმი სტომატოლოგს საშუალებას აძლევს ზუსტად შეარჩიოს სხივის ინტენსივობა და დროის ხანგრძლივობა. ამის გამო მინანქრის სტრუქტურის ცვლილება არ ხდება და შესაბამისად არც მგრძნობელობა მატულობს.  ZOOM-ის მეთოდისგან განსხვავებით, პროცედურის შემდეგ მინანქარი ისეთივე გლუვი და პრიალაა, როგორც პროცედურამდე.

აქვე უნდა ითქვას, რომ ბოლო წლებში ZOOM-ის მეთოდით გათეთრებისას გამოყენებულ გელში ამორფული კალციუმის ფოსფატის დამატებით მკვეთრად შემცირდა მგრძნობელობის მომატების ალბათობა. იგი მინანქრის ზედაპირზევე კრისტალდება და ავსებს წარმოქმნილ ფორებს, რის გამოც მინანქრის შეღწევადობა, და შესაბამისად მგრძნობელობაც, მცირდება.

გათეთრების ყველა არსებული მეთოდი უსაფრთხო და ეფექტურია, მაგრამ სამკურნალო ეფექტი მხოლოდ აღნიშნული მეთოდისთვისაა დამახასიათებელი, რაც განპირობებულია ლაზერული სხივის ბაქტერიოციდული და შესაბამისად კარიესის საპროფილაქტიკო მოქმედებით.

Dr. Todd Welch

სხვადასხვა მიზეზით გამოწვეული ფრონტალური კბილების არარსებობა უდიდესი სტრესია მოზარდის ფსიქიკისთვის, რაც პრობლემის დროულად გადაწყვეტას ითხოვს. მეორეს მხრივ, იმპლანტაციის წარმატება დიდადაა დამოკიდებული დროის სწორად შერჩევაზე. ერთმნიშვნელოვნად მიღებულია, რომ იმპლანტაცია არ უნდა ჩატარდეს, სანამ ყბებისა და სახის ძვლების ზრდა არ დასრულდება. თუ რა ასაკში მოხდება ეს, მკვეთრად ინდივიდუალურია.

კბილის ფესვი ძვლოვან ქსოვილთან ერთგვარი იოგოვანი შრითაა დაკავშირებული, რომელსაც პერიოდონტი ეწოდება. თავის მხრივ, იგი უამრავი კოლაგენური ბოჭკოსგან შედგება, რომელნიც უმცირესი ზამბარების მსგავსად, კბილზე მოქმედი სხვდასხვა ძალის საპასუხოდ ახორციელებენ ამორტიზაციას და კბილების გადანაცვლებას ძვლოვან ქსოვილში (მაგალითად, ორთოდონტიული მკურნალობისას).

იმპლანტატის შემთხვევაში პერიოდონტი არ არსებობს და იგი ძვალთან ბიოქიმიურ კავშირს ამყარებს, რომელსაც ოსტეოინტეგრაცია ეწოდება. იმპლანტი ძვლის ქსოვილში ისეა მოთავსებული, როგორს არმატურა ბეტონში, ანუ უძრავად.

ნაადრევად ჩატარებული იმპლანტაციის შემთხვევაში, იმპლანტი ვერ გადაადგილდება ყბის ზრდის მიმართულებით, კბილისგან განსხვავებით. ვერც მიმდებარე ღრძილი მიჰყვება ძვლოვანი ქსოვილის ზრდას და ჩნდება დეფორმირებული უბანი.

როგორ განვსაზღვროთ დასრულდა თუ არა ძვლოვანი ქსოვილის ზრდა? თუ თქვენი შვილის ტანსაცმლისა და ფეხსაცმლის ზომა კვლავ მატულობს, ე.ი. ჯერ ადრეა. უფრო ზუსტად თქვენი ორთოდონტი გეტყვით რენტგენოგრამასა და გამოკვლევის სხვა მეთოდებზე დაყრდნობით.

ნაადრევი იმპლანტაციის შედეგების გამოსასწორებლად ზოგჯერ საკმარისია იმპლანტზე დამაგრებული ხელოვნური კბილის გამოცვლა, ზოგჯერ კი საჭირო ხდება იმპლანტის შეცვლა და ისეთი რთული და ძვირადღირებული პროცედურის ჩატარება, როგორიც ძვლოვანი რეგენერაციაა.

შეიძლება გაუგებარი იყოს . რაც დაგაინტერესებთ, იკითხეთ კომენტარის სახით. არ დამეზარება, გიპასუხებთ

დამეთანხმებით, უმტკივნეულო ანესთეზიის ფაქტორი ყველა ჩვენგანისთვის მნიშვნელოვანია. მომავალში შევეცდები ცალკე სტატიად ჩამოვაყალიბო ის მიზეზები, რაც მტკივნეულ შეგრძნებებს იწვევს ანესთეზიის ჩატარებისას. ერთერთი ასეთი მიზეზია წნევა, რომელიც პრეპარატის ქსოვილში შეყვანისას ხორციელდება.

მინდა “გაგაცნოთ” კომპანია MILESTONE SCIENTIFIC-ის პროდუქტი, რომელიც ერთერთ გამოფენაზე ვნახე და შეუცვლელ  ნივთად ჩავთვალე სტომატოლოგიურ კაბინეტში. 

STA Single Tooth Anesthesia System^® —- ესაა ბლოკი, რომელიც აერთიანებს კომპიუტერულ ტექნოლოგიას და ერთჯერად საინექციო მოწყობილობას, რომელსაც მისი ფორმის გამო “Wand” ანუ “ჯადოსნური ჯოხი” ეწოდება.პროცესორის საშუალებით კონტროლდება შესაყვანი ანესთეტიკის რაოდენობა და შეყვანის სიჩქარე, შესაბამისად კი —- წნევა, რაც ინექციის პროცედურას უმტკივნეულოს ხდის. ექიმი პროცესს სპეციალური პედლის საშუალებით არეგულირებს.

STA სისტემა  საშუალებას იძლევა ინტრალიგამენტური ანესთეზიის მეთოდით ჩატარდეს მხოლოდ ერთი კბილის გაუტკივარება. მაგალითად ქვედა ყბაზე მანდიბულური ან ტორუსული ანესთეზიის მაგივრად, როცა მხოლოდ ერთი კბილის პრეპარირებაა საჭირო.

ჩვეულებრივი გზით ჩატარებული ინტრალიგამენტური ანსეთეზია ყველამ ვიცით როგორ მტკივნეულ შეგრძნებებთანაა დაკავშირებული. ამ დროს პრეპარატის შეყვანა უნდა ხდებოდეს დიდი წნევით, რაც ხშირად პერიოდონტის და სისხლძარღვების დაზიანებას იწვევს.  STA-სისტემაში გამოყენებული ტექნოლოგია კი საშუალებას იძლევა პროცედურა უსაფრთხოდ ჩატარდეს.

კვლევებით დადგინდა, რომ ფიზიკის კანონების თანახმად საინექციო ნემსის თავის ირიბი ჭრილი  ცდომილებას იძლევა რბილ ქსოვილებში მისი სწორხაზოვნადგადაადგილებისას . მაგალითად,  0,4მმ X 30მმ ზომის ნემსი “დანიშნულების ადგილს” 5 მმ-ით სცდება.  ”Wand”-ის შემქმნელების მიერ შემუშავებულია სპეციალური — ბურთულიანი კალმის მსგავსი დიზაინი, რაც ამცირებს ცდომილებას.

“Wand”-ის დიზაინი მკვეთრად განსხვავდება სტანდარტული შპრიცისაგან, ამის გამო თავიდანვე პაციენტის კეთილგანწყობას იმსახურებს, რაც მნიშვნელოვანი ფსიქოლოგიური ფაქტორია.

STA-სისტემაში  გამოიყენება ნებისმიერი ანესთეტიკი კარპულის სახით.

უფრო დაწვრილებით შეგიძლიათ იხილოთ ოფიციალურ საიტზე :  www.milesci.com

რამდენ ხანში ერთხელ ცვლით კბილის ჯაგრისს?

1. ყოველთვე — 14,74%

2. 3-4 თვეში ერთხელ — 48,61%

3. 6 თვეში ერთხელ — 14,34%

4. წელიწადში ერთხელ — 8,37%

5. როცა დაზიანდება — 11,35%
6. სხვა — 1,99%

(გამოკითხვაში მონაწილეობა მიიღო 251 მომხმარებელმა)

მოზრდილებმა, ისევე როგორც ბავშვებმა, ჯაგრისი უნდა შეცვალონ საშუალოდ 3 თვეში ერთხელ. გამოკვლევებმა აჩვენა, რომ ეს სწორედ ის პერიოდია, რის შემდეგაც ჯაგრისის ცვდება, ბლაგვდება და ამის გამო მისი წმენდითი ეფექტურობა მცირდება.  გარდა ამისა დეფორმირებულმა ღერებმა შეიძლება დააზიანონ ღრძილის ლორწოვანი გარსი. გამონაკლისს წარმოდგენს ელექტროჯაგრისები, რომელთა თავები ხშირად 6 თვის განმავლობაში არ საჭიროებს გამოცვლას (მწარმოებელი ყოველთვის თან ურთავს პროდუქტს ამგვარ ინფორმაციას).

ღრძილების დაავადების შემთხვევაში რეკომენდებულია ჯაგრისის შეცვლა 4-6 კვირაში ერთხელ, ვინაიდან პათოლოგიური მიკრობები, რომელიც ჭარბადაა ამ დროს პირის ღრუში, ადვილად მრავლდება ჯაგრისის ღერებზე.

ანალოგიური მიზეზის გამო რეკომენდებულია ჯაგრისის შეცვლა, თუკი გადაიტანეთ სურდო, ანგინა, გრიპი ან სასუნთქი გზების რაიმე სახის ინფექცია.

თუ ბრეკეტს ატარებთ, თქვენი ჯაგრისი ასევე უფრო ადრე ექვემდებარება შეცვლას, რადგან მისი მეტალის ნაწილები ჯაგრისის ღერების სწრაფ დეფორმაციას იწვევს.

რჩევა მშობლებს: ხშირად დაათვალიერეთ თქვენი შვილის ჯაგრისი. იმის გამო რომ ბავშვები  ძირითადად არასწორ მოძრაობებს აკეთებენ კბილების ხეხვის დროს, ასევე ხშირად ღეჭავენ და კბენენ ( ) ჯაგრისს, ისინი სწრაფად დეფორმირდება. ასეთ შემთხვევაში აუცილებლად გამოუცვალეთ მათ ჯაგრისი.

ზოგიერთი მწარმოებელი, მაგალითად Oral-B, თავის ჯაგრისებს თან ურთავს ინდიკატორს. მათი ლურჯი ფერის ღერები ხმარებაში უფერულდება. როცა ღერის ნახევრი გაბაცდება, ჯაგრისის შეცვლის დროა. ჩემი აზრით, ეს ძალიან მოსახერხებელი “თვისებაა”, რადგან ბევრი ადამიანი 2 ჯერზე მეტად იხეხავს კბილებს დღის განმავლობაში და შესაბამისად მათი ჯაგრისის ეფექტურობა 3 თვეზე ადრე მცირდება. ამის კონტროლი ინდიკატორის საშუალებით ძალიან ადვილია.

გახსოვდეთ: ახალი ჯაგრისის წმენდითი ეფექტურობა 30%-ით უფრო მაღალია.

***პაროდონტი — კომპლექსი, რომელლიც მოიცავს კბილს და მის ირგვლივ არსებულ ქსოვილებს (ღრძილი, მიმდებარე ძვლოვანი ქსოვილი და კბილის ირგვლივი იოგი).

პაროდონტის დაავადებასთან დაკავშირებული სტატისტიკა შემაშფოთებელია  — ზრდასრული მოსახლეობის 98% და მოზარდთა 83% მისთვის დამახასიათებელი ამა თუ იმ ნიშნის მატარებელია.

დაავადება შეიძლება მოიცავდეს მთელ კომპლექსს, ან ქსოვილთა მხოლოდ ნაწილს, შეიძლება იყოს ანთებადი ან დისტროფიული ხასიათის.

გინგივიტი და პაროდონტიტი ერთმანეთთან დაკავშირებული ფორმებია. ანთებითი პროცესი თავიდან იწყება ღრძილიდან (გინგივიტი) და დროთა განმავლობაში ვრცელდება კბილის ირგვლივ იოგსა და ძვლოვან ქსოვილზე (პაროდონტიტი).

ძალიან ხშირად ერთმანეთში ერევათ პაროდონტიტი და პაროდონტოზი.

პაროდონტიტის დროს წამყვანია ანთებითი პროცესი, რომელიც დროული და  სათანადო მკურნალობის შემთხვევაში შექცევადია. ხოლო პაროდონტოზი არაანთებადი პროცესია, რომლის დროსაც მიმდინარეობს ყბის ძვლისა და პაროდონტის ქსოვილების ატროფია. იგი ხშირად რომელიმე ზოგადი დაავადების ფონზე მიმდინარეობს.

ამჯერად შევჩერდებით პაროდონტიტის მკურნალობის მეთოდებზე, კონკრეტულად კი აპარატ “ვექტორზე”.

პაროდონტიტის მკურნალობის საფუძველს წარმოადგენს იმ ქვებისა და გრანულაციური ქსოვილების მოშორება, რომელიც უხვადაა ამ დაავადებისთვის დამახასიათებელ ღრძილოვან (პათოლოგიურ) ჯიბეებში.

პირდაპირი ქირურგიული მეთოდების გარდა ამისათვის არსებობს ფიზიკური მეთოდებიც — პათოლოგიური ჯიბეების წმენდა მექანიკური ინსტრუმენტებით (კიურეტაჟი) და ულტრაბგერითი ინსტრუმენტებით.  როგორც მექანიკურ, ისე ულტრაბგერით მეთოდს აქვს ნაკლი — ამ დროს ზიანდება ღრძილის ღრმა ქსოვილები და კბილის ფესვის ზედაპირი. ხელით ჩატარებული  კიურეტაჟის დროს ექიმი ფაქტიურად ბრმად მოქმედებს. ულტრაბგერის ფიზიკური თვისებები ექიმს საშუალებას აძლევს მოაშოროს ქვები და ნადებები პათოლოგიური ჯიბის ყველაზე ღრმა წერტილებში კი, მაგრამ რხევები და ინსტრუმენტის გადახურება უსიამოვნო შეგრძნებებს იწვევს. გადა ამისა, ულტრაბგერითი სკალერის საშუალებით ვერ ხერხდება 5მმ-ზე ღრმა ჯიბეების დამუშავება.

“ვექტორის” მთავარი უპირატესობა მის უნიკალურ კონსტრუქციაში მდგომარეობს, რისი მეშვეობითაც სამუსაო ინსტრუმენტს მოწესრიგებული რხევები გადაეცემა —- იგი მოძრაობს კონკრეტულად სამუშაო ზედაპირის გასწვრივ. გვერდითი მოძრაობები არ ატრავმირებს ღრძილის ქსოვილს და ფესვის ზედაპირს, რაც საშუალებას იძლევა პროცედურა უმტკივნეულოდ ჩატარდეს მომატებული მგრძნობელობის მქონე პაციენტებშიც.

სწორედ მოწესრიგებული რხევების საშუალებით იზრდება ულტრაბგერის შეღწევის სიღრმეც, რაც ზოგიერთ შემთხვევაში ცვლის ქირურგიულ ჩარევას.

მუშაობის პროცესში იმსტრუმენტს მიეწოდება ჰიდროქსიაპატიტის ფხვნილის ნაკადი ნაწილაკების ზომით 10 ნმ, რისი საშუალებითაც პათოლოგიური ჯიბიდან სრულად შორდება ღრძილქვეშა ქვები და ნადებები, ენდოტოქსინები, პრიალდება კბილის ზედაპირი. თავისთავად ჰიდროქსიაპატიტი ხელს უწყობს ღრძილის სწრაფად აღდგენას პროცედურის შემდეგ.

“ვექტორის” აპარატით მუშაობისას გამოიყენება არა მეტალის, არამედ კომპოზიტის დრეკადი ინსტრუმენტები, რაც ისეთი რთული ზედაპირების გაწმენდის საშუალებას იძლევა, როგორიცაა კბილის ფესვი და ღრმად მდებარე იმპლანტები.

ფაქტიურად, “ვექტორის” აპარატი უალტერნატივოა დღესდღეობით. მის მაღალეფექტურობასთან ერთად მნიშვნელოვანია ისიც, რომ პროცედურის დროს და მის შემდეგ პაციენტებს ფაქტიურად არ აღენიშნებათ უსიმოვნო შეგრძნებები, შესაბამისად არც ანესთეზიის გამოყენების საჭიროება არსებობს.

აზოტის ქვეჟანგი უფერო, უსუნო გაზია, რომელიც სტომატოლოგის სავარძელში მჯდომ პაციენტს სპეციალური ნიღბით მიეწოდება ჟანგბადთან ერთად.

თანამედროვე სტომატოლოგიურ კაბინეტებში პაციენტებს სხვადასხვა არომატის “მხიარულ გაზს” სთავაზობენ: ვანილის, პიტნის, მარწყვის და სხვა.

აზოტის ქვეჟანგის უპირატესობები:         

1. მოქმედების სისწრაფე — ტვინის ქსოვილამდე აღწევს 20 წამში, რელაქსაცია და ანალგეზია დგება 2-3 წუთში.

2. სედაციის სიღრმე დროდადრო მცირდება, რაც საშუალებას იძლევა სურვილისამებრ გავახანგრძლივოთ და გავაღრმავოთ გაზის მოქმედება.

3. გაზის მოქმედება წყდება მიწოდების შეწყვეტიდან 3-5 წუთში და იგი უკვალოდ ქრება ორგანიზმიდან. პროცედურის შემდეგ თავისუფლად შეიძლება მანქანის მართვა.

4. აზოტის ქვეჟანგის ანალგეზიური ეფექტის სიღრმე ინდივიდუალურია, მაგრამ რუტინული პროცედურების დროს თავისუფლად შეიძლება მისი გამოყენება ინექციური ანესთეზიის მაგივრად. მაგალითად იგი ღრმა პროფესიული წმენდისას ღრძილების მგრძნობელობის მოსახსნელად.

5. ინჰალაციური ანესთეზია ფაქტიურად უსაფრთხოა და გვერდითი მოვლენები მინიმალურია.

სამწუხაროდ, საქართველოში ჯერ არ გამოიყენება აზოტის ქვეჟანგი სტომატოლოგიურ პრაქტიკაში. არადა, რამდენ პაციენტს წაადგებოდა, ვინც შიშის გამო გაურბის სტომატოლოგთან ვიზიტს.

1. 6 თვეში ერთხელ რეგულარულად —- 14,53%
2. როდესაც კბილი ამტკივდება სამკურნალოდ — 45,93%
3. როდესაც კბილი ამტკივდება ამოსაღებად — 15,12%
4. სისტემატიურად, რადგან სუსტი კბილები მაქვს — 14,53%
5. არ დავდივარ. ბოლოს ყველას ერთად ამოვიღებ და პროტეზს ჩავისვამ —8,14%
6. სხვა — 1,74%

ჩემი მოლოდინი გამართლდა — უმრავლესობა (45,93%)  სტომატოლოგთან კბილის ტკივილით მიდის, ანუ მაშინ როცა სხვა გზა არ აქვს. ჩემი აზრით, მიზეზი რამდენიმეა:

• მომსახურების ხარისხისა და ფასის შეუსაბამობა საქართველოში
• მოსახლეობის ნაკლებინფორმატიულობა
• ექიმსა და პაციენტს შორის დამოკიდებულება

გთხოვთ, გამიზიაროთ თქვენი აზრი კომენტარების სახით ამასთან დაკავშირებით. ასევე მონაწილეობა მიიღოთ ახალ გამოკითხვაში.