Tag Archives: სტომატოლოგიური მასალები

ერთჯერადი ნივთები სტომატოლოგიაში


სტომატოლოგთან ვიზიტის შიშს ტკივილის გარდა ხშირად განაპირობებს ინფექციების შიში. თანამედროვე სტომატოლოგიაში გამოყენებული სადეზინფექციო საშუალებების და ერთჯერადი ნივთებს წყალობით ჯვარედინი დაინფიცირების შანსი პრაქტიკულად ნულის ტოლია.

შევეცდები შევადგინო იმ ერთჯერადი ნივთების სია, რომელიც გამოიყენება სტომატოლოგიურ კაბინეტში:

1. შპრიცი ან ნემსი, რომელიც სპეციალური  მეტალის კორპუსს ეხრახნება. მასში მოთავსებულია კარპულა ანუ კონტეინერი ანესთეტიკით.

2. გულსაფარი, რომელიც პროცედურის დროს უკეთია პაციენტს — შეიძლება იყოს ქაღალდის ან პოლიეთილენის.

3. ნერწყგამწოვი — თანამედროვე დანადგარებს პლასტმასის ნერწყგამწოვები ემაგრება, რომეიც ერთჯერაადია. თუმცა ძველი მოდელის სტომატოლოგიურ სავარძლებს მეტალის ნერწყგამწოვები ჰწონდა, რომელიც ჩვეულებრივი წესით სტერილდებოდა, როგორც ინსტრუმენტი.

 4. მტვერსასრუტი (პილასოსი) —- გამოიყენება კბილის დამუშავებისას გამოყოფილი მტვრისა და წყლის, ასევე გამოყენებული ქიმიური საშუალებების ასპირაციისთვის.

5. კოფერდამის ლატექსი — კოფერდამის სისტემა სამუშაო ველის იზოლაციისთვის გამოიყენება.

6. ხელთათმანები — ექიმი უნდა იცვამდეს უშუალოდ პროცედურის წინ, არ უნდა იბანდეს ხელთათამანიან ხელს, არ უნდა ეხებოდეს გარეშე საგნებს (ტელეფონს, ბლოკნოტს და ა.შ.)

7. ნიღაბი ან პირბადე.

8. ცელოფნის შალითები — ხშირად გამოიყენება ჰელიოლამპაზე, ნერწყვგამწოვის და მტვერსასრუტის ტარზე, ბორმანქანის სახელურებზე წამოსაცმელად, ანუ ყველა იმ ზედაპირზე, რომელსაც ექიმი ეხება პროცედურის დროს.

9. ჭიქა პირის ღრუს გამოსავლებად.

10. ბახილები —- ფეხზე წამოსაცმელი პოლიეთილენის შალითა, რომელიც იხმარება სისუფთვის დასაცავად სტომატოლოგიური კაბინეტში.

გარდა ამისა, არის უამრავი ერთჯერადი საშუალება, რომელიც მკურნალობის პროცესში გამოიყენება დროის დაზოგვისა და მკურნალობის ეფექტურობის გაზრდის მიზნით.