ფიბრომა პირის ღრუში

low-laser3ფიბრომა პირის ღრუში ძალიან ხშირად გვხვდება. ესაა რბილი, ვარდიფერი ან მოთეთრო შეფერილობის წარმონაქმნი, რომელიც ჩვეულებრივ კეთილთვისებიანია. იგი ლორწოვანის ქრონიკული ტრავმის ან გაღიზიანების შედეგად ვითარდება (მაგ. ტუჩის კვნეტა). ყველაზე ხშირად ფიბრომა გვხვდება სწორედ იმ ადგილებში, რომელიც ტრავმებს ექვემდებარება — ენის გვერდითა ზედაპირი, ლოყის ლორწოვანი გარსი, ტუჩების სხვადასხვა უბანი. აღსანიშნავია, რომ ცუდად მორგებული პროტეზის შემთხვევაში, რომელიც მუდმივად მოძრაობს, ხშირად ვითარდება ფიბრომა ლორწოვანი გარსის გაღიზიანების გამო.

გართულებების თავიდან ასაცილებლად ქირურგიული გზით მოშორება ფიბრომის მკურნალობის საუკეთესო გზაა, ტრადიციული სკალპელით ან ლაზერის საშუალებით. მიუხედავად იმისა, რომ თითქმის ყოველთვის კეთილთვისებიანია, ბიოფსიის ჩატარება მაინც რეკომენდებულია დიაგნოზის დასაზუსტებლად.

ზომისა და მდებარეობის მიხედვით, პროცედურა შესაძლოა ჩაატაროს ქირურგმა-სტომატოლოგმა ან პაციენტი გადაამისამართოს ყბა-სახის ქირურგთან. ქსოვილი გამოსაკვლევად იგზავნება ჰისტოლოგიურ ანალიზზე.

ფიბრომის მოკვეთა საკმაოდ მარტივი პროცედურაა და ჩვეულებრივ გართულების გარეშე ხდება. შეხორცების პერიოდიც ხანმოკლეა და რაიმე განსაკუთრებულ რეჟიმს არ მოითხოვს.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / შეცვლა )

Twitter picture

You are commenting using your Twitter account. Log Out / შეცვლა )

Facebook photo

You are commenting using your Facebook account. Log Out / შეცვლა )

Google+ photo

You are commenting using your Google+ account. Log Out / შეცვლა )

Connecting to %s